Skip to content

武漢肺炎或逆市情況下,freelance job數量大跌點算好?

Written by

Ryan

武漢肺炎疫情持續,對於各行各業帶來嘅經濟衝擊分分鐘犀利過EVA第三次衝擊,喺呢種逆市情況下,做freelance嘅人會唔會真係手停口停?面對接唔夠freelance job冇收入,可以點做?

睇睇freelancer點講:

https://www.instagram.com/p/B_pCDGenYEE/

積穀防飢、由3大方面做好準備:

1、客戶管理:

開拓客源

非常時期如果真的好緊急,就唔好揀客,由政府、私人機構或私人性質等以商業營利掛帥嘅單位,開拓一啲NGO(非政府組織),同埋非牟利組織等等,雖然收入可能微薄啲,但係都係叫做保障咗一個收入來源。

同一時間去審視下過往嘅客戶,同佢哋問聲好,交換下近況,搵返啲可以再次合作嘅客戶,睇一睇有冇新嘅工作機會接job。如果呢個方法都係行唔通,可以兩條腿走路,去嘗試搵新客戶,例如透過坊間唔同嘅freelance平台或者一啲線下嘅活動,令自己可以接觸一啲新認識嘅潛在客戶。

2、個人方面:

個人品牌

喺未有咁多job接嘅日子,大家都可以利用時間去建立同強化自己個人品牌,提昇網上存在感,增加曝光機會,從中建立潛在客戶對自己嘅信任。因為根據「Rule of 7」,一個人最少需要接觸到關於你嘅資訊7次,先會決定幫襯你。當然隨住時間推進已經未必係7呢個數字,但當中嘅概念係冇變嘅,總之接觸得越多就越好。

你可能也喜歡  報價前留意4大重點

另外一個人決定幫襯一個佢聽過嘅品牌嘅機會,係多過未聽過嘅品牌足足有71% (source),所以大家遇著downtime嘅話不妨投資時間係個人品牌上面。

Portfolio / Profile

Keep住更新你嘅portfolio同埋個人profile,為pitch下一個客戶做好準備之餘都令到客戶更加易搵到你,同埋透過呢堆資料認識你。

提昇自己,學習更多唔同技能

假設你接開freelance係做設計,可以試下學習其他技能例如剪片、畫圖、寫字、或者係資訊科技相關等等,令到自己可以接更多唔同類型嘅job,幫客戶解決更多問題,自然收費都可以相應提高。

休息

把握機會休息一下,有時候唔係一直衝一直做嘢就係好。畀個機會自己沉澱落去,放鬆一下一直繃緊嘅神經,休息係為咗走更遠嘅路,適當休息會帶嚟更好嘅自己。

3、財務方面:

學習管理財富

將現有資產分批管理,最重要係保留一部分作為應急錢,令自己可以渡過一段時期嘅難捱日子。如果未試過投資,唔好怕開始學習投資,因為投資可以製造被動收入,令自己不只一種收入來源,從而確保自己財政穩健。

製造多重收入途徑

嘗試製造唔同嘅收入方法,例如利用投資將財富累積滾大,製作一啲網上課程,將自己嘅經驗同知識同其他人分享;甚至乎可以嘗試製作同售賣digital product,例如ebook、相片、 繪圖等等,亦都可以製作template同素材,放喺素材網或者圖片網去賣,令自己收入變得越來越多樣。

無論順境逆境,都要持續完善自己嘅生涯規劃

以上所講嘅嘢,唔單單係面對武漢肺炎時候先可以應用,如果大家記得,以前都出現過例如金融海嘯、經濟大蕭條等等嘅情況。只要不停完善自己嘅生涯規劃,以每年、每三年、每五年等等去計劃自己手頭上有嘅資產、財富、願景等等,老套講句,辦法總比困難多,努力呀!

如果你都係Creator/Freelancer或者對創作有興趣,都歡迎入Group一齊交流下!

有興趣可以睇埋這個系列嘅其他文章:

最後更新日期: 2020-12-16

你可能也喜歡  【數位內容】傳統行業轉型!數位時代帶來的劇變:以出版為例子

Previous article

做freelance job畀人走數,可以點應對?

Next article

動物之森:選擇居民的另類欺凌 反映世人的陰暗面?/ 清君

Join the discussion

發表回覆

你的電郵地址並不會被公開。 必要欄位標記為 *