Skip to content

轉做全職Freelancer前須具備咩條件?最保險嘅做法係點?

Written by

Ryan

其實每個人去搵Freelance接job嘅,未必個個完全係為咗額外收入,可能係有唔同嘅理由,即刻睇一睇一班全職或半職嘅Freelancer最初點解會開始Freelance生涯,而成為全職Freelancer大約需要咩條件?

睇睇Freelancer點講:

https://www.instagram.com/p/B-g_LedHyfe/

小結: 

1、Freelance可以係創業嘅第一步,除左係財務上面做準備,亦都係對自己心理同思維嘅測試。

2、Freelance可以係用嚟探索傳統全職工作以外嘅可能性,全職Freelance未必係終點,但係可以作為新嘗試嘅安全網或者成本。

3、要先清楚了解自己最基本洗費係幾多,再去審視自己如果冇正職收入到底足唔足夠去應付,未嘅時候不妨先半職做Freelance,慢慢建立起自己嘅事業、人脈同客戶群先全職去做。

總結:

承接住上星期第一份Freelance job點嚟,叫大家準備好心態。而今次講到喺實際層面,更加要衡量自己所建立嘅工作網絡夠唔夠穩固,例如係咪定期有job,每個月大概有幾多收入、有幾多支出,開始規劃自己嘅財政狀況。

Don't miss out!

探索本土創作,訂閱Bigfool!

Invalid email address

要知道成為全職Freelancer就等於自僱人士,喺市道唔好嗰陣,可能一連幾個月都冇收入,呢種情況你自己係咪承受得住呢?全職Freelance唔代表你嘅收入來源100%係來自Freelance,如果未建立到多重收入來源,可能要退而求其次,利用自己嘅工餘時間,做住半職Freelancer先。

至於話成為Freelancer時機,其實都好難有一個客觀標準嘅答案,因為正如頭先所講,每個人對於最少需要幾多收入先為之足夠有唔同定義,而且支出可以自行調整,再加上job嘅來源都唔係絕對穩陣,影響嘅因素好多,例如大家嘅人脈、技術、所提供嘅服務同所屬範疇、報價嘅技巧同留唔留得住客人令佢哋成為回頭客等等。。自己控制唔到嘅嘢可能好多,所以只可以盡量做好自己,只要平時待人接物好啲,喺工作上面克盡己任,做得妥妥當當,朋友同事自然會放心啲,有外判工作都會第一時間諗起你啦,呢樣亦都係要做Freelancer其中一樣好重要嘅嘢,就係口碑(word of mouth)。一齊努力啦!

如果你都係Creator/Freelancer或者對創作有興趣,都歡迎入Group一齊交流下!

有興趣可以睇埋這個系列嘅其他文章:

最後更新日期: 2020-12-16

Previous article

搵freelance接job可以點做?第一份job到底點得嚟?

Next article

接freelance job報價嗰陣點樣保護自己?

Join the discussion

發佈回覆

你的電郵地址並不會被公開。 必要欄位標記為 *