Skip to content

蜂鳥出版:做得一日得一日 一個星期都已經夠長遠丨清訪君談

Written by

清君

位於上環的PMQ(警察已婚宿舍),如今變成了文化創意中心PMQ元創方,彷彿帶點諷刺,但已經笑不出來。

這個需要走陡峭山岥才能抵達的文化創意中心,近來裡面開設了一間書店,主理人係蜂鳥出版的Raina。本來訪問在書展之前,但是期間太多事情同時發生,寫稿之際,書展早已宣佈取消,一眾書業界別的行家連聲叫苦。唯願這篇短談可以襄助他們半臂之力。

半年壽命書店 著重推廣多於賣書

問到Raina開設這間書店的契機,她解釋說:「一切都係咁啱得咁橋,所以先有呢個機會過嚟一排,做一個短期pop-up。」

原先,Humming book的目的,只是想搞一個小型獨立書展,因此四出尋覓適合場地。湊巧,他們有位作者與PMQ關係尚算不錯,互相認識、了解後,便得以租借一個舖位營運書店。

所謂短期,其實係半年時間。半年時間話長不長,話短不短,經營六個月,有什麼目標想達成?

「呢個係一個好難得嘅機會,當時一諗,就諗唔好淨係做自己(蜂鳥出版)嘅嘢,搵咗啲本地出版社、本地作者嘅書過嚟,同埋書展結束之後都會想搞活動同展覽咁。」

如此說來,租借這個店面其實主要是想作為推廣用途。但是書店,始終都要經營,要做生意,會有客人到來。星期一至五的人流,想當然矣不及周末人流多,那麼,到訪的客人有什麼特徵呢?

元創方開拓新客源 讀者寧舍不同

「似乎,行入嚟買書嘅人唔同出面書店嘅客人。」Raina解釋,因為逛開書店的讀者,大多都會對某些書、某些作者特別在乎,但是在元創方的客人對他們所售的書似乎不甚認識,更似是一個偶爾的發現:「喺度行開街就入嚟睇下,啱嘅就會買。」這班人似乎是新客源,是一群未建立起慣常閱讀習慣的讀者。或者書種限制,加上到訪者的特質跟元創方相近,這群客人都會比較留意文青類書種。

雖然開拓了一班新客源,但是經營書店不是一件容易的事。講起書店,總會提起大眾書店結業的新聞,Raina又怎樣看這些事?

「首先,香港搞書店係好難嘅,賣一本書賺幾多錢?大家都計到。」如果賣出的數量足夠,勉強可以經營到,而且店舖位置還須是樓上書店或地理位置比較偏僻的地方。「自己做咗出嚟,覺得出面啲書店生存到真係好勁。」做書店其實越來越難,但Raina對這件事總是樂觀:「隨住連鎖書店越來越少,又有啲連鎖大家未必會去,咁真係想睇書嘅人就可能分流咗去獨立書店,同時間,近年都多咗好多網上書店。」

那麼,書店如何才能生存?講到大型書店,不能不提誠品。「誠品係好特別㗎,佢地點好、地方大。」誠品不止書類產品,還靠很多非書類產品或其他收入途徑,那麼,一般書店只賣書是否一定生存不到?「睇你點睇啦,好似旺角啲樓上書店,去得都係好有目的去買書,如果佢哋齋賣書都可能真係生存到。」

做得一日得一日 香港已經很難長遠計劃

現時做這間書店是半年的經營,問到日後打算及計劃,Raina則妙語連珠:「日後真係好難睇。香港而家問題係,一個星期已經係好長遠嘅事。」那時候一句書展都不知道搞不搞得成,已經一語成讖。「好多嘢都係做得一日得一日嘅感覺。」

講到成個出版、書業,只有兩個字:團結。

「好似我咁,而家有個地方,都想支持其他出版社。因為我知道自己唔能夠獨善其身。」出版、書業、文化界講的其實是成個地方的風氣。所有出版社、每一個版塊都很重要,「唔能夠話我想做大啲、納多啲市場。」只有互相體諒、支持,才能夠做得下去,就好似突破都曾經講「要贏就一齊贏」,就是要這種精神。Raina如是說。

在此,清君懇請大家繼續支持獨立出版社。

Previous article

【金曲歌后】只怕不再遇上莫文蔚 發現她於繼續寵愛張國榮

Next article

【數碼內容】內容做好了沒人看怎辦?沒有人教你的四點推廣技巧!

Join the discussion

發表回覆

你的電郵地址並不會被公開。 必要欄位標記為 *