做freelance job畀人走數，可以點應對？
Written by
接freelance job嘅相關貼士已經透過快問快答講咗啲畀大家知，freelance最開心梗係做完嗰下同收錢嗰刻，但係就算嚟到呢一個階段freelancer都唔係絕對安全，因為如果事情處理得唔好，冇好好去保護自己，就會有機會遇到freelancers嘅惡夢 – 走數。若然真係唔好彩遇著個客走數，收唔到錢點算好？
事前商議好一切，預防勝於治療
之所以會有「訂金」呢回事，就係要盡量避免走數嘅情況，所以大家一定要事前同對方傾好一切條款，絕對唔好最後先一筆過收錢，建議一定要收一定％訂金先開工。而最好就係分階段收費，將份job斬件上，咁如果遇上走數嘅情況，都可以將傷害降到最低。
另外要記得將最後版本發出去之前，確保自己已經收齊八至九成款項，之後等大家都覺得滿意就可以順理成章收埋尾數。如果對方堅持要收到貨先肯畀錢，咁好大機會都係伏，建議大家對嗰一份freelance避之則吉。
假如真係不幸畀人走數，可以點做？
若果真係唔好彩畀人走數，都係得兩條路可以行。第一條路就係由佢，算數，當買一個教訓。第二條路，就係循法律途徑依照合約入稟小額錢債處，只不過可能要付出嘅比最後攞返嚟既多，而且根據陳小球《Freelancer求生血淚史》呢本書嘅經驗分享，對方如果有心走數，真係追極都追唔得返㗎啦……
所以，喺面對走數呢件事，大家一定要做足預防措施呀！
如果你都係Creator/Freelancer或者對創作有興趣，都歡迎入Group一齊交流下！
有興趣可以睇埋這個系列嘅其他文章：
最後更新日期: 2020-12-16
Join the discussion